ճանաչենք արագընթաց զարգացող ընկերություններին

F-light -ը իրենից ներկայացնում է նախագիծ, որը նախատեսված է թատերական,համերգային ոլորտում աշխատող անձանց գործը ավելի դյուրին դարձնելու համար։

Ընկերությունը կատարել է հետազոտություն տարբեր հարթակներում՝ պարզելու համար, թե կան արդյոք խնդիրներ կապված լուսային վահանակների հետ և կլինի արդյոք լուսային էֆեկտների ավտոմատացման անհրաժեշտություն։

Համակարգը իրենից ներկայացնում է մի քանի սարքավորումներից  բաղկացած կոմպլեկտ։

Սարքավորումները  տեղաբաշխված են մի մասը բեմի տարբեր անկյուններում, մյուսները լուսային օպերատորի և դերասանի մոտ։

Այդ սարքավորումները ստանում են ինֆորմացիա դերասանի վրա ամրացված սենսորից։

Այդ սենսորի շնորհիվ սարքավորումները կարողանում են չափել և հաշվարկել դերասանի դիրքը բեմի վրա։

Ստանդարտ DMX պրոտոկոլի միջոցով ինֆորմացիան փոխանցվում է լուսային վահանակին, որը թույլ է տալիս լույսերին առանց մարդկանց ներգործության հետևել դերասանին։

Այս նախագիծը նախատեսված է ոչ միայն թատրոններում օգտագործման համար, այլև  համերգների, համաժողովների ժամանակ, ակումբներում, բառերում և այլ ժամանցային վայրերում  օգտագործման համար։

Մեր թիմը հետագայում պատրաստվում է զբաղվել այս նախագծի բարելավմամբ ։

Մենք պլանավորում ենք ստեղծել և ավելացնել մի շարք լուսային էֆեկտներ, որոնք կդարձնեն ծրագիրը ավելի հարմար և ֆունկղիոնալ։