RiskSensor-ը ռիսկերի կառավարման գործիքակազմ է, որը մասնագիտացած է գործառնական եւ շուկայական ռիսկերի կառավարման ավտոմատացման գործընթացում։
Ստարտափը նախատեսում է գործարկել իր լուծման բետա տարբերակը եւ ունենալ առաջին կոմերցիոն հաճախորդները 2019թ. ընթացքում:

Safe YOU-ն բջջային հավելված է և վեբ հարթակ՝ ուղղված կանխելու և պայքարելու կանանց և աղջիկների նկատմամբ բռնության դեմ:

Wirestock-ը հեղինակներին տրամադրում է մուտք սթոք կոնտենտի ամենախոշոր շուկաներ, ինչպես նաեւ ավտոմատացնում է ներկայացման բոլոր անհրաժեշտ քայլերը։
Wirestock-ի միջոցով հեղինակային իրավունքին առնչվող տեղեկատվությունը յուրաքանչյուր պրոդուկտի մասով գրանցվում է բլոկչեյնի վրա հիմնված հեղինակային իրավունքի ռեգիստրում, այդպիսով հեշտացնելով սեփականության ապացուցման գործընթացը:

PinoKIT-ը մատչելի և հարմարավետ կրթական լաբորատոր սարք է, որն օգնում է STEM կրթական կենտրոններին բարձրացնել ուսանողների ներգրավվածությունը և դասընթացների արդյունավետությունը՝ պրակտիկ փորձարարական աշխատանքների միջոցով։
Սարքը Rasspbery PI պլատֆորմի վրա առաջին լրացնող (add-on) մոդուլն է, որը հնարավոր է դարձնում STEM ուղղվածության թեմատիկ հետազոտությունները։ Այն կառուցված է «Pi Zero» պարզ համակարգչի հիման վրա, որն էլ PinoKIT-ը դարձնում է մատչելի գործիք՝ պրակտիկ կրթության համար։
Սարքավորման և ծրագրային ապահովման ավտոմատացման եզակի համադրությունը եւ քայլ առ քայլ ուսումնական ձեռնարկը ստարտափի լաբորատոր սարքերը դարձնում են հզոր կրթական գործիքներ՝ STEM ուղղվածության ուսանողների համար:

Cow.Net սարքի նպատակն է ծառայել գյուղատնտեսական արդյունաբերությանը `բարձրացնելով գյուղացիական տնտեսությունների արդյունավետությունը: մոնիտորինգային սարքի միջոցով հնարավոր կլինի վերահսկել կովերի առողջությունը, բացահայտել ախտանիշները և խուսափել առողջական խնդիրների հետագա բարդություններից: Սարքը հետևելու է մարմնի ջերմաստիճանին, սրտի աշխատանքին, արյան մեջ թթվածնի մակարդակին, կալորիականության մակարդակին և կովերի առողջության այլ նշանակալի ցուցանիշներին: Cow.net- ը կօգնի կառավարել կովերին և օպտիմալացնել ֆերմերային տնտեսությունները, այդպիսով կնվազեցնի ֆիզիկական աշխատանքի քանակը և ծախսերը:

Light Tech-ի առաջնային նպատակն է ապահովել անվտանգ էվակուացիա եւ էվակուացիոն ելքերի նշանների տեսանելիություն՝ արտակարգ իրավիճակների ժամանակ (հրդեհ,, երկրաշարժ եւ այլն)։
Ստարտափի մյուս նպատակն է գիշերային ժամերին փողոցներում ապահովել տեսանելիություն՝ տրամադրելով ամուր, էներգիայից անկախ եւ սպասարկման կարիք չունեցող փողոցի եւ տեղեկատվական նշաններ։

Lift Up-ի ստեղծած սարքը մեխանիկական է, թեթեւ եւ հեշտ օգտագործման համար։ Այն կարող է օգտագործվել բոլոր տեսակի, այդ թվում՝ մանկական սայլակների հետ։ Դրան գումարած, սարքը կարող է գործածվել օգտագործողի կողմից տեղում, աստիճաններին հասնելու պահին։ Ստարտափը ծրագրում է առաջիկայում ներկայացնել վերջնական թեստավորումն անցած սարքեր։ Թեստավորման գործընթացը կտեւի շուրջ մեկ տարի, համոզվելու համար, որ սարքերն անվտանգ են, հզոր եւ կարող են ծառայել երկար ժամանակ։

D’efekt-ը նորարար հավելված է , որը թույլ է տալիս օգտագործողին ստեղծել յուրահատուկ տեսանյութեր եւ լուսանկարներ՝ շարժման վրա հիմնված էֆեկտների միջոցով: Հավելվածը յուրաքանչյուրին արտիստ դառնալու հնարավորություն է տալիս:

EasyDMARC ստարտափի մշակած լուծումը կանխարգելում է էլ. նամակների միջոցով կատարվող հաքերային հարձակումները: Թիրախում փոքր եւ միջին այն կազմակերպություններն են, որոնք ամսական ավելի քան 10,000 էլ. նամակ են ուղարկում` օգտագործելով էլեկտրոնային տարբեր միջոցներ:
EasyDMARC-ն առանձնանում է իր խելացի հուշումների համակարգով, որը հնարավորություն է տալիս հաճախորդին առանց ռիսկերի վերափոխելու իր սեփական էլ.նամակագրության համակարգը` դարձնելով այն անվտանգ:
Առաջիկա մեկ տարում ստարտափը նախատեսում է 20 անգամ մեծացնել սեփական ծառայության ծածկույթը եւ ավելի կատարելագործել ինտեգրացիոն համակարգը:

Համակարգը կարողանում է հետեւել հաքերի քայլերին՝ առանց վերջինիս իմացության։ Հնարավոր է վայրկյանների ընթացքում հարյուրավոր թակարդներ տեղադրել՝ օգտագործելով շատ քիչ ռեսուրսներ։
Ստարտափի թիրախում են բոլոր այն կազմակերպությունները, որոնք կարեւորում են անվտանգությունը եւ ունեն բազմաթիվ սարքեր, որոնք պետք է պաշտպանել հարձակումներից։

Հարթակը թույլ է տալիս ստեղծել լրացված իրականության սեփական օրինակներ, եւ դրանք օգտագործել ինչպես զվարճանքի, այնպես էլ պրոֆեսիոնալ նպատակներով։ Ստեղծման գործընթացը չի պահանջում որեւէ տեխնիկական հմտություն։ Դա նույնքան հեշտ է, որքան սոցցանցերում գրառում կատարելը։
ARize-ը նաեւ հարթակ է 3D մոդելավորողների եւ 2D անիմատորների համար ցուցադրելու իրենց արվեստը՝ նորարար եւ հեշտ հասանելի տարբերակով։ Հավելվածը հասանելի է iOS եւ Android համակարգերում։

Expper Technologies-ի կողմից մշակված Robin the Robot-ը բիզնես օգնական ռոբոտ է, որի ստեղծման համար օգտագործել են մեքենայական ուսուցման լուծումներ։ Այն թույլ է տալիս տրամադրել հաճախորդների անհատականացված սպասարկում եւ իրական ժամանակում հաճախորդների հետ զրույցներ վարելու հնարավորություն տալիս։
Ստարտափի թիմն ավելացնում է յուրահատուկ գործառույթներ, որոնք թույլ են տալիս էմոցիոնալ կապ ստեղծել ռոբոտի եւ հաճախորդի միջեւ

Հարթակում ստեղծված ողջ կոնտենտը, որը ապագայում կներառի կոմիքսներ, սցենարներ, թվային արվեստ եւ գրքեր, գեներացվում է համայնքի կողմից քվեարկության արդյունքում՝ դրանց ստեղծման յուրաքանչյուր փուլում։
ԵՄ շուկա մուտք գործելը ստարտափի ծրագրերում է։ Դրան գումարած, ForgeFiction-ն առաջիկայում պլանավորում է ադապտացնել հարթակը ֆրանսախոս, գերմանախոս, իսպանախոս եւ իտալախոս լսարանների համար։

«Վերջին ծուռը» վիդեոխաղն իր հերոսին տեղակայում է կիբեռպանկ միջավայրում, թույլ տալով բացահայտել իր ինքնությունը՝ երկու աշխարհներում ճանապարհորդելու միջոցով: Խաղը hack’n’slash ոճում է:
Առաջիկա մեկ տարում Cyber Mantis Games-ը նախատեսում է ներկայացնել խաղի դեմո տարբերակը: «Վերջին ծուռը» հասանելի կլինի Եվրոպայում տարածված գրեթե բոլոր լեզուներով:

Breedge-ն առցանց հարթակ է, որն օգնում է ՓՄՁ-ներին եւ ստարտափներին որոնել ուսանողների՝ նորաստեղծ աշխատանքային հաստիքների համար։
Ստարտափի մշակած վեբ հարթակն օգնում է ընկերություններին գտնել լավագույն թեկնածուներին հենց բուհերից՝ լրացնելու ընկերությունում կրտսեր / պրակտիկայի / սկսնակ մակարդակի հաստիքները։
Breedge-ն օգտագործում է մեքենայական ուսուցման տեխնոլոգիա՝ վերլուծելու ուսանողներից եւ ընկերություններից ստացած տվյալները եւ առաջարկելու լավագույն տարբերակը

RendChain-ը ապակենտրոնացված ցանց է, որը թույլ է տալիս համակարգիչները ուղիղ կապով միացնել մի ցանցի, որը թույլ կտա ցանկացած մարդու մեկ ակնթարթում օգտվել միլիարդավոր համակարգիչներից: Ցանցին կարող են միանալ հեռախոսներ, պլանշետներ, նոթբուքեր և հզոր համակարգիչներ:

Forest Guard-ն օգտագործում է LoRa տեխնոլոգիան եւ ստեղծել է յուրահատուկ FFT ալգորիթմ, որն օգնում է սենսորային համակարգին խնայել էլեկտրականություն եւ շատ արագ ազդանշաններ ուղարկել։
Համակարգի հաջող ներդրման համար ստարտափը կհամագործակցի Հայաստանի կառավարության հետ, քանի որ հանրապետության անտառային տարածքները պետական են։

hireBEE.ai-ն արհեստական բանականությամբ աշխատող ժամանակակից բոլորը մեկում HRtech հարթակ է՝ աշխատանքի դիմորդների նախնական սքրինինգ իրականացնելու, ինչպես նաև համապատասխան աշխատանքի համար թեկնածուներ փնտրելու համար:
Հարթակը հնարավորություն է ընձեռում խնայել ժամանակ, բարձրացնել ռեքրութմենթի որակն ու տրամադրում է թիրախավորված մասնագետների բազա:

Smart Metering System for Power Distribution Networks-ն բոլորը մեկում առաջին էկոլոգիապես մաքուր սարքն է, որը կարող է չափել միջին վոլտաժի ռեակտիվ հզորություններն՝ առանց չափիչ տրանսֆորմատորի կիրառման:
Սա թույլ է տալիս ճշգրտորեն չափել հզորությունը, էներգիան եւ որակի չափանիշները՝ ցանցային աշխատանքները եւ սակագնային հաշվարկը բարելավելու նպատակով:

eSwap հարթակն ինտեգրված է տարբեր market place-ների, օնլայն խանութների, հաշվապահական և առաքման ծառայությունների հետ: Սա հաճախորդներին հնարավորություն է տալիս կառավարել գույքագրման ողջ գործընթացը եւ իրականացնել պատվերները մեկ հարթակից՝ փաթեթավորումից մինչեւ առաքում եւ հաշվապահական գործընթաց:

Հիմնարկը մատչելի ամպային համակարգ է, որն օգնում է հայկական փոքր ու միջին բիզնեսներին արդյունավետ կառավարել մարդկային ռեսուրսները։
Համակարգն ավտոմատացնում է կադրային գործը, աշխատավարձի հաշվարկն ու վճարումը, իսկ ինքնասպասարկման հավելվածը աշխատակիցներին հասանելի է դարձնում իրենց վերաբերող կադրային գրանցումներն ու հաշվարկի մանրամասները՝ ՄՌ եւ հաշվապահական բաժինների եւ աշխատակիցների միջեւ կապը դարձնելով ավելի արդյունավետ եւ հարմար:

Grovf-ի տվյալների բազան իր տեսակի մեջ առաջին, օգտագործման համար պատրաստ FPGA արագացված NoSQL տվյալների բազա է՝ արդյունաբերական իրերի ինտերնետի (IIOT) սենսորների կողմից գեներացված տվյալները մշակելու և պահպանելու համար:
Պրոդուկտի նախատիպն արդեն 10 անգամ ավելի արագ գործարքներ է իրականացնում և 31 անգամ ավելի էներգախնայող է՝ համեմատած ամենաժամանակակից լուծումների հետ։

RIOsys մոդուլները նախագծված են այնպես, որ կարող են կիրառելի լինել գրեթե ցանկացած մատչելի վերածրագրավորվող կոնտրոլերի համար:
Մոդուլները հիմնված են բարձր որակի տվյալների հավաքագրման տարրերի վրա: Նրանց արտադրողականությունը գործնականորեն համեմատելի է շուկայում առկա արդյունաբերական չափանիշների մոդուլների հետ: Ստարտափը նաեւ ապահովում է ծրագրային API, այնպես որ օգտագործողները կարող են կիրառել այն իրենց նախագծերում եւ հետազոտական աշխատանքներում:

Դրամաշնորհը թիմին հնարավորություն է տվել ձեռքբերել արդյունաբերական եւ լազերային CNC մեքենաներ, որը թույլ կտա կրթական եւ արդյունաբերական CNC մեքենաներ արտադրող հոսքագիծ ստեղծել:
SarsUp-ի կրթական CNC-ները ԵՄ շուկաներում ներկայացվելու պոտենցիալ ունեն: Ստարտափի հիմնադիրները կարծում են, որ CNC-ները կարելի է մատակարարել Եվրոպական Միության ինժեներական մասնավոր լաբորատորիաներ:

XCloud Networks-ը տվյալների կենտրոններն արդյունավետ կառավարելու լուծումների համապարփակ հավաքակազմ է։ Այն թույլ է տալիս խելամիտ գնով ստեղծել ցանցային ենթակառուցվածքներ՝ կախվածություն չունենալով սարքավորումներ արտադրող կոնկրետ ընկերություններից։
XCloud-ի շնորհիվ հնարավոր է անհրաժեշտության դեպքում հեշտորեն մեծացնել ցանցային ենթակառուցվածքները, ավտոմատացնել հնարավոր գործառույթները՝ ժամանակ խնայելու և մարդկային սխալներից խուսափելու համար։ Այն նպաստում է ցանցային ինժեներների աշխատանքի արդյունավետ կազմակերպմանն ու գործառնական ծախսերի կրճատմանը։

Volterman-ն ունի էլեկտրոնային պրոցեսոր, որը տեղակայված է բարակ եւ էլեգանտ դրամապանակում։ Այն համատեղում է մի քանի գործառույթներ, որոնց կարիքը հաճախորդներն առօրյայում ունեն՝ դրամապանակ օգտագործելիս։
Volterman-ի ստեղծման ուղղությամբ աշխատել են հայտնի դիզայներներ եւ ծրագրավորողներ։

Pixomatic-ը նորագույն օնլայն ֆոտո խմբագրիչ է՝ պատկերի կտրման յուրահատուկ գործառույթով։ Այն թույլ է տալիս հեռացնել յուրաքանչյուր լուսանկարի ֆոնը, այն թափանցիկ դարձնել, ավելացնել տարբեր գույներ եւ ֆիլտրեր, կամ փոխել ֆոնն այլ լուսանկարով։

Chessify-ը շախմատային հարթակ է, որը հեղաշրջում է շախմատասեր հանրության փորձը՝ շախմատային ծրագրերում կիրառելով արհեստական բանականության նորագույն տեխնոլոգիաներ։
Ստարտափը մատուցում է ծառայություններ նախատեսված ինչպես պրոֆեսիոնալ, այնպես էլ սիրողական մակարդակի շախմատիստների համար։
Chessify-ի ամպային ծառայությունը կտրուկ բարձրացնում է պրոֆեսիոնալ դասընթացների արդյունավետությունը և խնայում ընդհանուր ուսուցման ժամանակի 30%-ը։ Պրոդուկտի հիմնական առանձնահատկություններն են անհատական ամպային սերվերները, շախմատային այլ հարթակների հետ հեշտ ինտեգրումը եւ մոբայլ սարքերում հասանելիությունը (Android/ IOS)։

Embry-ն քաշ կորցնելու նպատակով ստեղծված էլեգանտ ու նորարար բոլորը մեկում տեխնոլոգիական լուծում է։ Այն շուկայում ակտիվությունը գրանցող միակ սարքն է, որն ունի ներկառուցված խելացի կշեռք։ Սարքը մեկ փոքր կրիչի մեջ ներառում է ինչպես ակտիվությունը գրանցող սարքի ու խելացի կշեռքի գործառույթներ, այնպես էլ վիրտուալ մարզչի եւ սննդաբանների ցանց։

Renderforest-ը բոլորը մեկում բրենդային հարթակն է: Նրանք հաճախորդներին առաջարկում են բրենդինգի առցանց լավագույն գործիքները՝ նվազագույն ժամանակի և ջանքերի շնորհիվ բարձրորակ տեսանյութեր, լոգոներ, գրաֆիկա և կայքեր ստեղծելու համար: